جناب زین اسفندیار بھنڈارا ایک کاروباری منتظم (Business Executive) ہیں، جنہیں کاروباری آپریشنز، اسٹریٹجک منصوبہ بندی اورادارہ جاتی انتظام کا تجربہ حاصل ہے۔ انہوں نےیونیورسٹی آف ویسٹ منسٹر، برطانیہ سےبیچلر ڈگری حاصل کی ہے۔ فروخت اور آپریشنز کے شعبوں میں اپنے پیشہ ورانہ تجربے کے دوران انہوں نے تجزیاتی صلاحیت، قائدانہ مہارت اور مسائل کے مؤثر حل کی نمایاں قابلیت پیدا کی ہے۔اپنے پیشہ ورانہ کیریئر میں انہوں نے دیانت داری، متوازن فیصلہ سازی اور مختلف متعلقہ فریقوں کے ساتھ مؤثر انداز میں باہمی تعاون کی صلاحیت کا مظاہرہ کیا ہے، جبکہ ادارے کی عملی کارکردگی میں بہتری اور کاروباری ترقی میں بھی اہم کردار ادا کیا ہے۔

بورڈ آف ڈائریکٹرز کے لیے پہلی مرتبہ امیدوار کی حیثیت سے، جناب زین ایک نئی سوچ، اچھی کارپوریٹ گورننس کے فروغ کے عزم اور جوابدہی کے مضبوط احساس کے ساتھ سامنے آئے ہیں۔ وہ بورڈ کو مؤثر نگرانی فراہم کرنے، اخلاقی کاروباری اصولوں کو فروغ دینے، خطرات کے مؤثر انتظام اور کمپنی کے طویل المدتی اسٹریٹجک اہداف کے حصول میں معاونت کے لیے پُرعزم ہیں۔وہ مسلسل سیکھنے اور اپنی پیشہ ورانہ صلاحیتوں کو مزید نکھارنے کے خواہاں ہیں اور کمپنی اور اس کے شیئر ہولڈرز کے بہترین مفادات کی خدمت پیشہ ورانہ مہارت، دیانت داری اور ذمہ داری کے ساتھ انجام دینے کے لیے پرعزم ہیں۔